Nig‘matilla Yo‘ldoshev Rossiyaga safar qiladi

Mustaqil Davlatlar Hamdo‘stligi (MDH) ishtirokchi davlatlarining Parlamentlararo Assambleyasi (PA) Kengashining taklifiga binoan O‘zbekiston Respublikasi Oliy Majlisi Senati raisi Nig‘matilla Yo‘ldoshev boshchiligidagi mamlakat parlament delegatsiyasi 2018 yil 29-30 noyabr kunlari Sankt-Peterburg shahrida (Rossiya) bo‘lib o‘tadigan MDH PA 48-majlisi ishida ishtirok etadi.

O‘zbekiston Respublikasi Oliy Majlisi Senatining axborot xizmati xabariga ko‘ra, MDH PA xalqaro tashkilot bo‘lib, uning asosiy vazifasi MDH ishtirokchi davlatlarining qonun hujjatlarini yaqinlashtirishga qaratilgan model qonunlar ishlab chiqish va qabul qilishdan iboratdir.

Qayd etilishicha, O‘zbekiston avval ham mazkur tashkilot tadbirlarida ishtirok etgan. MDH PAning navbatdagi majlisida shaxsiy ma'lumotlar, turizm, axborotga oid rivojlanish, ta'lim sifatini oshirish kabi masalalar yuzasidan qator model hujjatlar loyihalari ko‘rib chiqilishi nazarda tutilgan.