Rossiya Ikkinchi jahon urushidagi yo‘qotishlar haqida yangi ma'lumotlarni oshkor qildi

Rossiya Mudofaa vazirligi AQSh hukumatiga Ikkinchi jahon urushi vaqtida Qo‘shma Shtatlar tomoni uchragan yo‘qotishlar haqida qo‘shimcha ma'lumot taqdim etdi. Bu haqda Rossiya mudofaa vaziri o‘rinbosarining yordamchisi, zaxiradagi general-mayor Aleksandr Kirilin xabar berdi, deb ma'lum qilmoqda TASS.

Hujjatlar harbiy asirlar va bedarak yo‘qolgan shaxslar ishlari bo‘yicha Rossiya-Amerika qo‘shma komissiyasining navbatdagi yig‘ilishi davomida topshirildi.

Kirilinning so‘zlariga ko‘ra, gap 16-havo armiyasi arxiv hujjatlaridagi, jangovar harakatlar davomida urib tushirilgan samolyotlarga aloqador ma'lumotlar haqida ketmoqda. Uning so‘zlariga ko‘ra, Qo‘shma Shtatlar vakillari bu hujjatlarni so‘rashni rejalashtirishgan, ammo Rossiya tomoni «buni oldindan seza bildi». Hammasi bo‘lib, general-mayor so‘zlariga ko‘ra, gap bir necha o‘nlab hujjat sahifalari haqida bormoqda.