8535.74 USD +17.06

9566 EUR -86.52

132.57 RUB +1.24

10746.5 GBP -101.19

18:38 / 04.12.2018 10211

Ўзбекистонда яна саккиз киши ис газидан заҳарланди

Иллюстратив фото

Жорий йилнинг 3 декабрь куни Самарқанд вилоятининг Паст Дарғом туманида яшовчи С.У. (аёл) уйини иситиш мақсадида ўтин ёқиб, чўғларини ётоқхонасига олиб кириши оқибатида ўзи ва 3 нафар фарзандлари ис газидан заҳарланган. Уларга касалхонада тиббий ёрдам кўрсатилган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Шунингдек, жорий йилнинг 3 декабрь куни Сирдарё вилоятининг Оқолтин туманида яшовчи Н.Ю. (аёл) уйида иситиш печини ёқиб ухлаб қолиши оқибатида, иситиш печидан сизиб чиққан табиий газ исидан ўзи ва 3 нафар фарзандлари заҳарланган. Уларга касалхонада тиббий ёрдам кўрсатилган. 

Ҳар иккала ҳолат юзасидан суриштирув ишлари олиб борилмоқда.

Эслатиб ўтамиз, аввалроқ Сирдарё ва Жиззахда беш киши ис газидан заҳарлангани хабар қилинганди.

Top