Tibbiy faoliyat amalga oshiriladigan tibbiy ixtisosliklar turlari nomenklaturasiga qo‘shimchalar kiritiladi

Normativ-huquqiy hujjatlar loyihalari muhokamasi portalida O‘zbekiston Respublikasi sog‘liqni saqlash vazirining “Tibbiy faoliyat amalga oshiriladigan tibbiy ixtisosliklar turlari nomenklaturasiga qo‘shimchalar kiritish haqida”gi buyrug‘i loyihasi joylashtirildi.

Hujjat bilan O‘zbekiston Respublikasi sog‘liqni saqlash vazirining 2017 yil 25 iyuldagi 97-son buyrug‘i bilan tasdiqlangan Tibbiy faoliyat amalga oshiriladigan tibbiy ixtisosliklar turlari nomenklaturasiga qo‘shimchalar kiritilishi mumkin.

Tibbiy faoliyat amalga oshiriladigan tibbiy ixtisosliklar turlari nomenklaturasiga kiritilishi mo‘ljallangan qo‘shimchalar
  
Asosiy tibbiy ixtisoslik turlari bo‘limi quyidagi mazmundagi pozitsiyalar bilan to‘ldiriladi:

Xalq tabobati yo‘nalishi

46. Xalq tabobati  

Tor ixtisosliklar turlari bo‘limi:

Davolash ishi va tibbiy pedagogika ishi yo‘nalishlari bobi quyidagi mazmundagi pozitsiyalar bilan to‘ldiriladi:
 
47-1. Davlat sud psixologik ekspertizasi   
47-2. Ijtimoiy ishlar bo‘yicha  
 
Quyidagi mazmundagi pozitsiyalar bilan to‘ldiriladi:
 
Xalq tabobati yo‘nalishi   
    
116. Invaziv usullarni qo‘llovchi xalq tabobati   
117. Manual ta'sir usullarini qo‘llovchi xalq tabobati   
118. Biologik vositalarni qo‘llovchi xalq tabobati  119. Diyeta va o‘simlik vositalarini qo‘llovchi xalq tabobati.  
 
Qayd etilishicha, mazkur qo‘shimchalar O‘zbekiston Respublikasi Bandlik va mehnat munosabatlari vazirligi hamda Savdo-sanoat palatasi bilan kelishilgan.