Dubayda ilk suzib  yuruvchi supermarket ochildi

Dubayda ilk suzib  yuruvchi supermarket ochildi. Unda salqin ichimliklar, shaxsiy gigiyena va terini himoyalash vositalari, muzqaymoq, dori-darmon va oziq-ovqat mahsulotlari xarid qilish mumkin. Bu haqda Arabian Business nashri ma'lum qildi. 

Do‘kon uchta plyaj: Jumeyra, Kayt-Bich va As-Sifu-Bichga yaqin joylashgan. Uning asosiy mijozlari yaxta va gidrosiklda sayr qilib yuruvchilar bo‘lishi kutilmoqda. Do‘kon assortimentida 300 ga yaqin turli tovar bor.

Xaridni amalga oshirish uchun mijoz do‘kon yoniga suzib kelib, maxsus darchada buyurtma berishi kerak bo‘ladi. Do‘kon yoniga yaqinlasha olmaydigan kattaroq yaxtalar yo‘lovchilari uchun buyurtma berish mumkin bo‘lgan telefon liniyasi ochilgan.