Benzemaga grandlar orasidan da'vogar chiqdi

«PSJ» rahbariyati «Real» hujumchisi Karim Benzemani sotib olish imkoniyatlarini chamalamoqda, deb xabar beradi France Football.

Frantsuz klubi hujumchi Edinson Kavaniga o‘rinbosar qidirishni boshlab yuborgan. Urugvaylikning yaqin vaqtlar ichida «Napoli», «Atletiko» yoki «Chelsi»ga o‘tib ketishi kutilyapti.

Parij grandida Kavanining o‘rniga Benzemadan tashqari yana bir variant bor, bu – «Inter» hujumchisi Mauro Ikardi.

Ma'lumot uchun, Benzema ushbu mavsum La Liganing 15 o‘yinida 5+2, YeChL guruh bosqichining 6 bahsida 3+2 mahsuldorlik natijasini qayd etdi. Ikardi esa A Seriyaning 12ta o‘yinida qatnashib, 8ta gol urdi hamda 2ta assistga muallif bo‘ldi. U ham Chempionlar ligasida oltita o‘yin o‘tkazgan bo‘lib, 4 marta raqiblar darvozasini ishg‘ol etdi.