Joriy yilning 16 dekabr kuni Samarqand viloyatining Urgut tumanida yashovchi Z.B. (ayol) IIBga murojaat qilgan, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
U shu yil 23 iyul kuni boshqaruvidagi “Spark” rusumli avtomashinani Ibn Sino ko‘chasida joylashgan viloyat mahalla markazi binosi oldida qarovsiz qoldirgan vaqtida noma'lum shaxs avtomashina yukxonasidan ichida 2 000 AQSh dollari, 1 000 Rossiya rubli va umumiy qiymati 50 mln. so‘mlik 10 turdagi zargarlik buyumlari bo‘lgan hamyonini o‘g‘irlab ketganligini ma'lum qilgan.
Ko‘rilgan choralar natijasida ushbu jinoyatni Navoiy shahar Sentob mahallasida yashovchi H.X. sodir etganligi aniqlanib ushlangan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
