Belarusda kiberqo‘shinlar tashkil etildi

Belarusda harbiy akademiya negizida ilk axborot texnologiyalari rotasi shakllantirildi. Yangi qo‘shinga 40 kishi tanlab olingan.

Fevralda Belarus mudofaa vaziri Andrey Ravkov mamlakat qurolli kuchlarida axborot xavfsizligi masalalari bilan shug‘ullanuvchi ixtisoslashgan rota paydo bo‘lishini ma'lum qilgan.  

Ta'kidlanishicha, AT-rotani tashkil etishdan maqsad qurolli kuchlar tayyorgarligi samaradorligini AT-texnologiyalar sohasidagi mutaxassislar aqliy salohiyatidan maksimal foydalangan holda yanada oshirish, dasturiy ta'minot, maxsus va amaliy dasturlarni ishlab chiqishdan iborat.

26 dekabrda ushbu rotaning kompyuter auditoriyasi ochilishi bo‘lib o‘tdi. Ma'lum qilinishicha, ushbu rotada xizmat olib boruvchi harbiylarning ishlashi va yashashi uchun zamonaviy infratuzilma yaratilgan.