Italiya chempionatida birinchi davrining so‘nggi - 19-tur o‘yinlari boshlandi.
«Yuventus» o‘z maydonida «Sampdoriya»ni qabul qildi va 2:1 hisobida g‘alaba qozondi. Mezbonlar hujumchisi Krishtianu Ronaldu 2-daqiqadayoq Dibalaning to‘p uzatishidan so‘ng hisobni ochdi. Ikkinchi bo‘lim o‘rtalarida penaltini aniq amalga oshirdi. Uning dubliga mehmonlar Kualyarellaning bitta goli bilan javob qaytarishdi.
Bu natijadan so‘ng, «Yuventus» 53 ochko bilan 1-o‘rinda, «Sampdoriya» esa 29 ochko bilan 5-o‘rinda bormoqda.
A Seriya, 19-tur
Yuventus – Sampdoriya 2:1
Gollar: 1:0 – 2 Ronaldu, 1:1 – 33, penalti Kualyarella, 2:1 – 65, penalti Ronaldu.
Yuventus – Perin, Rugani, Aleks Sandro, De Shilo, Kellini, Jan, Pyanich, Matyuidi (Duglas Kosta, 82), Ronaldu, Dibala, Manjukich (Bernardeski, 69).
Sampdoriya – Audero, Ferrari, Murru, Sala, Kolli, Ramires (Saponara, 72), Ekdal (Yankto, 82), Linetti, Prat, Kaprari (Defrel, 67), Kualyarella.
Ogohlantirishlar: Matyuidi (36), Ferrari (36), Rugani (71).
Bu g‘alabadan so‘ng Turin klubi birinchi davrada to‘plagan ochkolari sonini 53taga yetkazib qo‘ydi. Bu – turnirning yangi rekordi. Bu boradagi avvalgi rekord ham «Yuve»ga tegishli edi – klub 2005/06 yillar mavsumi birinchi yarmida 52 ochko jamg‘argan.
«Keksa sinora» bu mavsum faqat «Jyenoa» va «Atalanta» bilan bahslarda durang qayd etdi, hamon mag‘lubiyatsiz seriyasini davom ettirmoqda.
Bugungi uch ochkoni ta'minlagan ikki gol muallifi Krishtianu Ronaldu esa 14ta gol bilan chempionat to‘purarlari ro‘yxatida birinchi o‘ringa chiqib oldi. Ikkinchi pog‘onaga tushib qolgan «Jyenoa» hujumchisi Kshishtof Pentek hisobida 13ta gol bor.
Krishtianu 2-daqiqadayoq Dibalaning to‘p uzatishidan so‘ng hisobni ochdi. Ikkinchi bo‘lim o‘rtalarida penaltini aniq amalga oshirdi. Bu uning A Seriyadagi 13- va 14-gollari bo‘ldi. To‘purarlar orasida ikkinchi o‘ringa tushib qolgan «Jyenoa» hujumchisi Kshishtof Pentek hisobida 13ta gol bor.
Shu bilan birga, Ronaldu bugungi dublidan so‘ng A Seriyaning bir mavsumida eng ko‘p gol urgan portugaliyalik o‘yinchiga aylandi. U 1988/89 yillar mavsumida «Yuventus» sharafini himoya qilib, 12ta to‘p kiritgan yarimhimoyachi Rui Barroshni ortda qoldirdi.
Yana bir statistik ma'lumotga ko‘ra, bugun «Alyants Stedium» mehmonlarining yagona goli muallifi – Fabio Kualyarella o‘ziga xos natija muallifiga aylandi. «Sampdoriya» hujumchisi mana 9 o‘yindirki, A Seriyada maydonni golsiz tark etmayapti. 35 yoshli italyan bu to‘qqiz uchrashuvda o‘nta gol urishga erishdi.
Italiya chempionatining ketma-ket 9 o‘yinida raqib darvozasini ishg‘ol etishni oxirgi marta 2005 yilda «Yuventus» hujumchisi David Trezege uddalagan edi.
