Mey Britaniya tarixida «yangi bob» va'da qildi

Britaniya bosh vaziri Tereza Meyning mamlakat aholisiga yangi yil murojaatida ma'lum qilishicha, Yevropa ittifoqi tarkibidan chiqib ketganidan so‘ng (Brexit), Buyuk Britaniyani «yangi bob» kutmoqda. Bu haqda TASS xabar berdi.

«Yangi yil - bu oldinga nazar tashlash vaqti, va 2019 yilda Birlashgan Qirollik yangi bob ochadi», - deya aytib o‘tdi Mey.

Britaniya bosh vazirining murojaatda qayd etishicha, u va uning jamoasi Yevropa ittifoqi bilan kelishgan, Brexit bo‘yicha kelishuv mamlakat aholisi talablariga javob beradi, shuningdek, 2016 yilgi referendumga ham mos keladi.

Eslatib o‘tamiz, avvalroq OAV «qattiq» Brexit Germaniya uchun yangi xarajatlarga aylanishi mumkin ekanini ma'lum qilgandi.