Aralash yo‘nalish (MMA) bo‘yicha jangchi Habib Nurmagomedov uni qo‘rqoq deb atagan amerikalik Neyt Diasga javob qaytardi. Sportchining murojaati yozuvi Twitter-akkauntida paydo bo‘lgan.
«Sen qo‘riqchilarning orqasiga yashirinib olding va qochib ketding, qo‘rqoq. Yozuvda hamma narsa ko‘ringan. O‘sha oqshom biz sizlarni ezg‘ilab tashladik, eshak», - deya yozgan Nurmagomedov.
Dias o‘z fikrida qolgan: «Barcha narsaga real ko‘z bilan qara. Sen nima yuz berganini bilasan. Shu bilan yashayver».
Eslatib o‘tamiz, avvalroq Neyt Dias Habib Nurmagomedovni qo‘rqoq deb atagandi.
«Men senga tarsaki berdim, sen va sening yigitlaring esa hech narsa qila olmadi. Shu bilan yashayver. Sizlar qo‘rqoqsizlar», - deya yozgan 33 yoshli Dias.
Shu tariqa amerikalik Nurmagomedovning yaqinda boshqa bir jangchiga - irlandiyalik Konor Makgregorga murojaatiga munosabat bildirdi. Dias Las-Vegasdagi mehmonxonalardan birida Nurmagomedov va uning jamoasi bilan yuz bergan mojaro haqida eslatdi.
