Qozog‘istonda qator teraktlarning oldi olindi

Qozog‘iston milliy xavfsizlik qo‘mitasi Almati shahrida o‘tkazilgan maxsus operatsiya davomida mamlakatda qator terrorchilik harakatlarini amalga oshirishga tayyorgarlik ko‘rayotgan Markaziy Osiyo davlatlari fuqarolaridan iborat guruh qo‘lga olinganini xabar qildi.

Tintuv chog‘ida ularning yashash joyidan katta quvvatga ega portlovchi qurilmalar tayyorlash uchun tarkibiy unsurlar, o‘qotar qurollar va o‘q-dorilar topilgan. 

Tergov xulosasiga ko‘ra, guruh xorijdagi IShID jangarilari ko‘rsatma va topshiriqlariga asosan tayyorgarlik ko‘rgan. Ular Almati shahridagi odam gavjum joylarda qator qurolli hujumlar uyushtirishni rejalashtirishgan.