O‘zbekistonda 2019 yil 1 iyuldan boshlab yo‘l-patrul xizmatining barcha inspektorlari mobil videokamera bilan jihozlanadi. Bu haqda Ichki ishlar vazirligi xabar bergan.
Hukumatning 1 dekabrdagi qarori bilan Yo‘l-patrul xizmati xodimlarining yo‘l harakati qatnashchilari bilan o‘zaro munosabatlari hamda maxsus moslamalardan foydalanish tartibi to‘g‘risidagi nizom tasdiqlandi.
«Joriy yilning 1 iyulidan boshlab YPX xodimi o‘z xizmat vazifalarini ochiq, mobil videokameradan foydalanib olib borishga majbur bo‘ladi», - deya xabar berishgan IIVdan.
YPX xodimi xizmat vazifasini amalga oshirishda mobil videokameradan foydalanishi va bu haqda yo‘l harakati qatnashchilariga ma'lum qilishga majbur.
Eslatib o‘tamiz, yo‘l-patrul va patrul-post xizmatlarining barcha xodimlari mobil kameralar bilan faoliyat olib borishi zarurligi to‘g‘risida prezident Shavkat Mirziyoyev 2017 yilning dekabrida Oliy Majlis palatasiga murojaatida ma'lum qilgan edi.
