“Suvsoz” Davlat unitar korxonasi 2019 yildan tashkiliy tuzilmasiga yangi o‘zgarishlar kiritdi.Shu jumladan, yuridik va jismoniy shaxslarga qulaylik yaratish maqsadida «Markaz» deb ataluvchi ishchi guruhi «Suvsoz iste'molchi uchun ishlaydi» shiori ostida o‘z faoliyatini boshladi.
«SUVSOZ» Davlat unitar korxonasi qoshida yangi markaz tashkil etildi. "Jismoniy va yuridik shaxslarning murojaatlarini qabul qilish, muammolarini o‘rganish va ko‘maklashish markazi" (keyinchalik “markaz”) deb ataluvchi bu xizmatga iste'molchilar istalgan vaqtda ichimlik va oqava suv masalalariga oid takliflar, muammolar, shikoyat, ariza yoki fikr-mulohazalar bilan murojaat qilishlari mumkin. Markaz virtual qabulxonasi elektron pochtasi: info@ suvsoz. uz sayti, faks orqali 71 2521937 raqami yoki (71) 252 19 35 raqamli ishonch telefonlari tun-u kun xalqning xizmatida.
Manzil: O‘zbekiston, 100060, Toshkent shahar, Mirobod tumani, Fidokor ko‘chasi 2-uy
Mamlakatimizda so‘nggi yillarda aholini sifatli ichimlik suvi bilan ta'minlash borasida salmoqli ishlar amalga oshirildi. Biroq bu borada ko‘rilayotgan chora-tadbirlarga qaramasdan ichimlik suvi ta'minoti va kanalizatsiya sohasini bugungi kun talabi darajasida yo‘lga qo‘yish maqsadida hal etilmagan muammolar hamon mavjud.
Xususan, poytaxt aholisi va korxona-muassasalari shahar toza ichimlik suvi tizimlariga ulanish uchun ilgari bir necha “Suvsoz” tasarrufidagi quyi tashkilotlarga qatnab, tartibli hujjat rasmiylashtirish jarayonidan o‘tishi lozim edi.
2019 yildan iste'molchi suv tizimiga ulanish uchun “texnik shart” olgan vaqtidan boshlab ko‘maklashish “Markaz”iga murojaat qiladi. Markaz orqali quyidagi ishlar bir joydan turib bajariladi, jumladan, loyiha chizdirish, «Suvabonentxizmati” sho‘'ba korxonasi orqali suvga ulanish, “Suvo‘lchagich” korxonasi orqali suvo‘lchagich uskunasi o‘rnatish, uskuna o‘rnatilishi davridagi suv bosimini kamaytirish yoki zarurat tufayli o‘chirib turishgacha bo‘lgan harakatlar, iste'molchiga shaxsiy hisob varaqasi ochish va shartnoma tuzishgacha bo‘lgan jarayonni qamrab oladi.
Iste'molchi, “Markaz”ga murojaat qildimi, demak, bu murojaatning yechimini topish masalasini Markaz o‘z zimmasiga oladi.
Sizning murojaatingiz belgilangan muddatda, sifatli bajarilishi ta'minlanadi.
“Markaz” Mirobod tumani, Fidokor ko‘chasi, 2 -uyda joylashgan.“Markaz” rahbari Haydarov Botir Tursunboyevich.
Qabul vaqti: Har kuni 9-00 dan 18-00 gacha, dam olish kuni yakshanba.
“Ishonch telefon” raqamlari: 71-252-19-35; 71-252-19-37.
