Toshkentda doimiy propiska qilish huquqiga ega tashkilotlar soni yana ikkitaga ko‘paydi

Hukumat qarori bilan Vazirlar Mahkamasi huzuridagi O‘simliklar karantini davlat inspeksiyasi hamda “O‘zagrokimyohimoya” aksiyadorlik jamiyati Rahbarlari xodimlarni Toshkent shahri va Toshkent viloyatida doimiy propiska qilish to‘g‘risida iltimosnoma kiritishi mumkin bo‘lgan davlat organlari va boshqa davlat tashkilotlari ro‘yxatiga kiritildi.

Ma'lumot uchun, ro‘yxatda shu paytgacha 75 ta tashkilot mavjud edi.

Eslatib o‘tamiz, avvalroq xodimlari Toshkentda propiska olishi mumkin bo‘lgan tashkilotlar soni ikkitaga ko‘paygani xabar qilingandi.