Xitoy AQShning Rossiya va XXR tahdid ekani haqidagi bayonotiga javob berdi

Foto: TASS/Ivanov Artem

Xitoy TIV rasmiy vakili Gen Shuan Amerika tomonining XXR va Rossiya global xavfsizlikka tahdid solishi to‘g‘risidagi bayonotini rad etdi. Bu haqda TASS xabar qilmoqda.

Uning so‘zlariga ko‘ra, gap dunyodagi vaziyatga ta'sir qiluvchi qudratli davlatlar haqida ketmoqda, ularning hamkorligi esa umumiy xavfsizlik va barqarorlikka yordam beradi.

«XXR va Rossiya o‘rtasidagi munosabatlar o‘z rivojida misli ko‘rilmagan yuqori darajaga yetdi, bizning mamlakatlarimiz har tomonlama sheriklik aloqalarini qo‘llab-quvvatlamoqda», - dedi Shuan.

Uning qo‘shimcha qilishicha, Xitoy - Rossiya hamkorligi boshqa mamlakatlarga bosim o‘tkazish yoki qarama-qarshilikni nazarda tutmaydi.

Eslatib o‘tamiz, avvalroq Xitoy qirg‘oqlarida AQSh harbiy kemalari paydo bo‘lgandi.