Marixuana sotayotganda ushlangan shaxsning uyidan 1,5 kilogrammdan ortiq giyohvandlik moddasi topildi

2019 yil 25 yanvar kuni Sirdaryo tumanida tezkor-qidiruv tadbirlari o‘tkazilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Uning natijasida Sirdaryo shahrida yashovchi A.S. “Beshbarmoq” kafesida 32,55 gr. “marixuana” giyohvandlik moddasini 1 250 000 so‘mga sotayotgan vaqtida qo‘lga olingan.

Tadbir davomida ushbu fuqaro uyidan 1 kg. 619 gr. “marixuana” giyohvandlik moddasi ham topilib, ashyoviy dalil sifatida olingan.

Holat yuzasidan jinoyat ishi qo‘zg‘atilib, tergov harakatlari olib borilmoqda, deyiladi xabarda.