Alisher Usmonov milliarderlar reytingida yuqoriladi

Blumberg dunyodagi eng boy 500 kishining reytingini yangiladi. Asli kelib chiqishi o‘zbekistonlik bo‘lgan rossiyalik biznesmen Alisher Usmonov o‘z boyligini yil boshidan beri 1,29 milliard dollarga oshirib, Bloomberg Billionaires Index (BBI) reytingining 68-o‘rnini egalladi.

65 yoshli Usmonov Rossiyaning eng yirik temir ruda ishlab chiqaruvchisi - «Metalloinvest»ni nazorat qiluvchi USM Holding Rossiya investitsiya guruhi 48 foiziga egalik qiladi. O‘z navbatida, u «Megafon» operatori ustav kapitalining 56,3 foiziga egalik qiluvchi «AF Telekom Xolding» MChJ yagona ishtirokchisidir.

Usmonov jd.com va Alibaba, Airbnb hamda Spotify internet-riteylerlaridan ulush xarid qilgan va Rossiyaning «Kommersant'» gazetasini nazorat qiladi, deyiladi reytingga qoldirilgan izohda.

2019 yil 1 fevral holatiga ko‘ra, Usmonovning boyligi 15,4 milliard dollarga baholanmoqda. 

Eslatib o‘tamiz, avvalroq Alisher Usmonov 2018 yilda qancha pul yo‘qotgani ma'lum bo‘lgandi.