Maduro Venesuela prezidentligini tark etmasligini bildirdi

Foto: RIA Novosti

Venesuela prezidenti Nikolas Maduro o‘z lavozimini tark etmasligini bildirdi.

"Men kelgusi olti yil davomida mamlakatni xalq bilan birga boshqarishda davom etaman", - dedi u Venesuela harbiylari oldidagi chiqishida.

Dushanba kuni Portugaliya, Fransiya, Ispaniya, Shvetsiya, Buyuk Britaniya, Avstriya, Niderlandiya, Germaniya va Daniya Venesuela parlamenti spikeri Xuan Guaydoni mamlakatning vaqtinchalik prezidenti deb tan oldi.

Guaydo 23 yanvar kuni o‘zini vaqtinchalik davlat rahbari deb e'lon qilgandi.

Tayyorlagan Дилшод Аскаров

#Venesuela #Nikolas Maduro

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi