«Rossiya tayyor». Lavrov Qirg‘izistondagi harbiy baza bo‘yicha bayonot berdi

Rossiya Tashqi ishlar vazirligi rahbari Sergey Lavrov Rossiya tomoni Qirg‘iziston hududida yana bir harbiy baza ochish masalasini muhokama qilishga tayyorligini ma'lum qildi, deya xabar bermoqda RIA Novosti.

Vazirning so‘zlariga ko‘ra, Rossiya Qirg‘izistonning ushbu tashabbusi haqida birinchi marta eshitdi.

«Biz qirg‘izistonlik do‘stlarimiz bilan xavfsizlik sohasida shakllanayotgan g‘oyalarni muhokama qilish uchun tayyormiz», - dedi Lavrov.

Eslatib o‘tamiz, avvalroq Qirg‘izistonda Rossiyaning yana bir harbiy bazasi paydo bo‘lishi mumkin ekani xabar qilingandi.