“Yulduzcha” va “Men yulduzman” televizion vokal tanlovining 2-turi bo‘lib o‘tdi (fotoreportaj)

O‘zbekiston Yoshlar ittifoqi, Yoshlar media markazi va “Mening yurtim” telekanallari tomonidan yosh iqtidorlarni qo‘llab-quvvatlash, ularning iste'dodlarini ommalashtirish va mustaqil ijod yo‘lini boshlashlariga ko‘maklashish maqsadida “Yulduzcha” (6-15 yosh) va “Men yulduzman” (16-30 yosh) musiqiy televizion vokal tanlovi tashkil etilgan.

2-3 fevral kunlari poytaxtimizning Yoshlar ijod saroyida tanlovlarning ikkinchi turi bo‘lib o‘tdi. Tur shartiga ko‘ra ishtirokchilar 3 yo‘nalishda – an'anaviy ijro, akademik ijro va estrada bo‘yicha duet aytishdi.

Hakamlar hay'atining qattiqqo‘lligi, qizg‘in bahs-munozaralar, keyingi turga o‘tolmagan nomzodlar kurashi, yorqin chiroqlar, zamonaviy va ajoyib dekoratsiya hamda siz mutlaqo kutmagan boshqa syurprizlarni 2019 yil mart oyida “Mening yurtim” telekanalida efir orqali ko‘rishingiz mumkin.