Saraton epidemiyasining sababi ma'lum qilindi

Amerikalik olimlar AQShdagi yoshlar orasida saraton kasalligiga chalinish holatlari keskin o‘sganini aniqladilar. Salbiy epidemiologik vaziyat asosiy sababi semizlikning tarqalishidir, deyiladi MedicalXpress’dagi matbuot uchun xabarnomada.

Tadqiqotchilarning aniqlashicha, 1995 yildan 2015 yilgacha bo‘lgan davrda 50 yoshgacha bo‘lgan ayollar va erkaklar orasida ko‘pincha ortiqcha vazn xavf omili bo‘ladigan salbiy o‘simtalar ko‘proq paydo bo‘la boshlagan. Shu bilan birga, kichikroq yosh kasallanishning nisbatan yuqori darajasi bilan bog‘liq bo‘lgan. 45-49 yoshdagi kishilarda jigar saratoni bilan kasallanish ehtimoli ko‘rib chiqilayotgan davrning har bir yili uchun bir foizga oshdi, 30-34 yosh va 25-29 yoshga yetganlar uchun esa bu ko‘rsatkich mos ravishda ikki hamda to‘rt barobarga ko‘paygan.

Bundan tashqari, eng yosh milleniallar orasida semizlik bilan bog‘liq boshqa turdagi saratondan aziyat chekish barcha yoshdagilar orasida ham yuqori bo‘lgan. Buyrak saratoni bilan kasallangan bemorlarning soni 6,23 foizga, o‘t pufagi saratoni - 3,71 foizga, qovuq saratoni - 3,35 foizga va ichak saratoni - 2,41 foizga o‘sdi.

Olimlar so‘zlariga ko‘ra, semizlik salbiy o‘simtalar paydo bo‘lishining eng osonlik bilan oldini olish mumkin bo‘lgan sabab hisoblanadi. AQShda 12 ta saraton holatidan taxminan bittasi ortiqcha vaznga aloqador, Buyuk Britaniyada esa - 20tadan bittasi. Shu bilan birga, AQShning 20-49 yoshdagi fuqarolari yarmidan ko‘pi meva, sabzavotlar va dukkakli mahsulotlarni kam yeyishadi hamda fastfud, shirin ichimliklar va tuzni ko‘p iste'mol qilishadi.