«Oskar» mukofoti marosimi boshlovchisiz o‘tkaziladi. Bu tarixdagi ikkinchi holat

«Oskar» kinomukofoti marosimi 2019 yilda boshlovchisiz o‘tkaziladi. Bu haqda ABC Entertainment prezidenti Keri Berk Teletanqidchilar assotsiatsiyasi bilan uchrashuvda rasman e'lon qildi.

Bunday qaror komik Kevin Xartning marosimni o‘tkazishdan bosh tortishi va keyinchalik uning qaytishini muhokama etish bilan bog‘liq «chalkashlik»dan so‘ng qabul qilindi. «Shundan so‘ng, «Oskar»ni mukofotlarni topshiradiganlar olib borishi aniq bo‘ldi. Biz hammamiz bu g‘oyaga tezlik bilan rozi bo‘ldik», - dedi Berk.

«Oskarlarni» topshirish marosimi 24 fevral kuni bo‘lib o‘tadi.

Marosim faqat bir marta boshlovchisiz o‘tkazilgan - 1989 yilda. Shou prodyuseri Allan Karrning g‘oyasi shunday bo‘lgandi.