Pompeo Venesuelaga Rossiya va Kubadan mustaqil bo‘lishni tiladi

Foto: REUTERS

AQSh davlat kotibi Mayk Pompeoning Fox Business telekanali efirida ma'lum qilishicha, Rossiya va Kuba allaqachon Venesuela ichiga kirib olgan. Bu haqda RIA «Novosti» xabar bermoqda.

Davlat kotibi Venesuelada Kuba va Rossiyaning ishtiroki aynan qanday ekaniga aniqlik kiritmagan. Shu bilan birga, Pompeoning umid qilishicha, mamlakatda «hokimiyat o‘zgarganda», Venesuela aholisi «suveren va mustaqil» xalq bo‘lishni xohlaydi. Shuningdek, uning bildirishicha, venesuelaliklar «xavfsizlik va farovonlik» masalasi bo‘yicha «ruslar va kubaliklarga» tayanishi kerak emas.

Eslatib o‘tamiz, avvalroq Venesuela prezidenti Nikolas Maduro mamlakat muxolifati yetakchisi Xuan Guaydoning taqdiri haqida gapirgandi.

Tayyorlagan Отабек Матназаров

#Venesuela #Mayk Pompeo

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi