Chikagodagi o‘zbekistonliklar Kamerun aholisini ichimlik suvi bilan ta'minlashda yordam berishdi

Chikagodagi O‘zbekiston-Amerika assotsiatsiyasi faollari Kamerun aholisini ichimlik suvi bilan ta'minlashda yordam berishdi. Bu haqda assotsiatsiya vakillari Facebook’dagi sahifada ma'lum qildilar.

Chikagoda yashovchi o‘zbekistonliklar Afrika mintaqasida suv chiqaruvchi quduqni o‘rnatishga «Buloq-3» deb nomlangan xayriya loyihasini moliyalashtirish maqsadida mablag‘ to‘plash uchun marafonni ishga tushirdilar.

2018 yil 18 avgustga qadar ular 4,5 ming AQSh dollari miqdorida xayriya mablag‘larini to‘plashdi.

Assotsiatsiya ma'lumotiga ko‘ra, Kamerundagi Bardap aholi punktida quduq o‘rnatilgan.