Afg‘oniston prezidenti “Tolibon”ga mamlakatda ofis ochishga ruxsat berishga tayyorligini bildirdi 

Afg‘oniston prezidenti Ashraf G‘ani “Tolibon” radikal harakati a'zolariga Kobul, Nangarhor yoki Qandahorda ofis ochishga ruxsat berishga tayyorligini bildirdi.

“Agar “Tolibon” ofis istasa, uni ertangi kuniyoq Kobulda, Nangarhor yoki Qandahorda ochishga ruxsat beraman”, deb aytgan G‘ani Nangarhor viloyatiga tashrifi vaqtida. “Biz mamlakatda mustahkam va munosib tinchlikni ta'minlaymiz”, deb qo‘shimcha qilgan prezident. 

Ma'lum qilinishicha, toliblar vakillari o‘tgan hafta bir qator talablar orasida, rasmiy ofisi bo‘lishi kerakligi muhimligini ta'kidlab o‘tgan. Harakatning rasmiy vakili Suxayl Shoxinning ta'kidlashicha, toliblar Qatardagi ofisining xalqaro hamjamiyat tomonidan tan olinishi lozim, deb hisoblaydilar.