08:21 / 15.02.2019
22934
Афғон уруши бўйича ҳужжатлардан махфийлик мақоми бекор қилинди
Фото: Юрий Сомов / РИА Новости

Россия Мудофаа вазирлиги совет қўшинларининг Афғонистондан олиб чиқилишига 30 йил тўлиши муносабати билан қатор ноёб ҳужжатлардан махфийлик мақомини олиб ташлади. Материаллар ҳарбий маҳкама сайтининг ахборот-тарихий қисмида эълон қилинди.

Эълон қилинган ҳужжатлар Афғонистондаги совет ҳарбий қисмлари тарихи, шунингдек, Афғон уруши қаҳрамонлари ҳақидаги маълумотга эга. Хусусан, сайтда 1992 йилда Россия Қуролли кучлар Бош штаби бошлиғи, армия генерали Виктор Дубинин, генерал-лейтенант Руслан Аушев, «жангчи-шоир» сифатида танилган лейтенант Александр Стовбани мукофотлаш тўғрисидаги карточкалар жойлаштирилди. 

Бундан ташқари, совет ҳарбийларининг Афғонистондаги тинч аҳолига кўрсатган ёрдами ҳақида ёзувлар бор. Мисол учун, тракторни таъмирлаб бериш ва совет пионерларининг афғон болаларига совғаси тўғрисида маълумот берилган.

Эслатиб ўтамиз, аввалроқ Афғон уруши афсонаси «қора майор» вафот этганди.

Top