Putin dzyudochilar bilan mashg‘ulot vaqtida barmog‘ini shikastlab oldi

Rossiya prezidenti Vladimir Putin Sochidagi sport tayyorgarligi markazi “Yug-sport”dagi mashg‘ulotda o‘ng qo‘li barmog‘ini shikastlab oldi.

Putin markazni ko‘zdan kechirgan, boks, dzyudo va erkin kurash bo‘yicha Rossiya terma jamoasi vakillari bilan qisqacha suhbatlashib, dzyudo mashg‘ulotida ishtirok etgan.

Biroq mashg‘ulot vaqtida, Putin otish mashqini bajarayotganda barmog‘i shikastlangan. Shu sabab Rossiya rahbariga tibbiy yordam ko‘rsatilgan.

Ushbu majmua 3 yildan beri mavjud bo‘lib, 100 dan ko‘proq musobaqalarni qabul qilgan. Majmuada sportning qishki va yozgi 54 turi bo‘yicha sportchilarni tayyorlash uchun barcha sharoitlar yaratilgan.