8441.36 USD -14.01

9493.15 EUR -61.42

131.78 RUB +0.25

10963.6 GBP -96.83

07:37 / 22.02.2019 27693

Гуайдо илк “президент” фармонини чиқарди

Фото: РИА Новости / Лео Альварес

Ўзини Венесуэланинг вақтинчалик президенти деб эълон қилган Хуан Гуайдо 21 февралда ўзининг 001-сонли “мамлакатга гуманитар ёрдам етказилишига рухсат ҳақидаги” илк “президент” фармонини чиқарди.    

“Боливар миллий қуролли кучлари бош қўмондони сифатида гуманитар ёрдам Венесуэла ҳудудига тушишига рухсатни тасдиқлайман ва бу кучларнинг турли элементларига бу йўриқнома бўйича ҳаракат қилишларини буюраман”, деб айтилган Гуайдо фармонида.

Мухолифат назоратидаги Венесуэла парламенти ҳам 19 февралда президент Николас Мадуро етказилишига қаршилик қилаётган гуманитар ёрдамни олишни маъқуллади. Ёрдамнинг етказилиши  23 февралдан бошланиши режалаштирилган. 

Шунингдек, Гуайдо ўз фармони билан Мадуронинг “қардош давлат Бразилия” билан чегарани ёпиш буйруғини бекор қилган, Аруба, Бонэйра ва Кюрасао орол-давлатлари билан муносабатларни кучда қолдирган ва унинг ҳукумати томонга ўтадиган ҳарбийларга кафолатлар берилишини тасдиқлаган.

Top