Huawei kompaniyasi MWC 2019 ko‘rgazmasida 5G tarmoqlarni qo‘llab-quvvatlovchi bukiluvchi smartfon Mate X’ni taqdim qildi.
Qurilma yoyilgan holda ekrani diagonali 8 dyuymni, bukilgan holatda esa 6,6 va 6,3 dyuymni tashkil qiluvchi OLED-ekran olgan.
Smartfon 3 ta kamera bilan jihozlangan bo‘lib, ularni ham old, ham orqa kamera sifatida ishlatsa bo‘ladi. Buning uchun bukilgan smartfonni boshqa tomoni bilan o‘girish kerak.
Qurilma ikkita batareya olgan bo‘lib, ularning umumiy quvvati 4500 mA-soatni tashkil qiladi. Smartfon 55 Vatt quvvat bilan quvvatlanadi. Smartfon 7 nanometrli protsessorda ishlaydi.
Smartfon 2019 yilning o‘rtalaridan sotuvga chiqarilib, narxi 2299 dollarni tashkil qiladi.
