BMT KXDR bo‘yicha hisobot tayyorladi. Unda sanksiyalarni chetlab o‘tish haqida so‘z yuritilgan

BMT Xavfsizlik kengashining Shimoliy Koreyaga nisbatan sanksiyalar bo‘yicha qo‘mitasi maxfiy hisobot tayyorladi. Unda KXDR xalqaro sanksiyalarni qanday qilib chetlab o‘tayotgani haqida so‘z yuritiladi, deb xabar qilmoqda CBS News.

Telekanal ma'lumotlariga ko‘ra, hujjatda Shimoliy Koreya sanksiyalarni chetlab o‘tish uchun borgan sari zamonaviy texnologiyalardan foydalanayotgani ta'kidlanadi.

Qayd etilishicha, Pxenyan hozir ham Suriyaga qurol-yarog‘ sotishdan daromad olishda davom etmoqda.

Shu bilan birga, hisobotning barchaga taqdim etiladigan versiyasi AQSh prezidenti Donald Tramp hamda Shimoliy Koreya yetakchisi Kim Chen In uchrashuvidan so‘ng paydo bo‘lishi mumkin. 

Eslatib o‘tamiz, avvalroq Tramp KXDRga iqtisodiy farovonlik va'da qilgandi.