Ilhom Ne'matov Ostonada qurilayotgan O‘zbekiston elchixonasi binolarini borib ko‘rdi

2019 yilning 26 fevral kuni Qozog‘istonda amaliy tashrif bilan bo‘lib turgan O‘zbekiston Respublikasi tashqi ishlar vazirining birinchi o‘rinbosari Ilhom Ne'matov Ostona shahrida qurilayotgan mamlakatimizning bo‘lajak elchixonasi binolari majmuasini borib ko‘rdi.

TIV xabariga ko‘ra, qurilish ishlari 2018 yilning may oyida Qozog‘iston poytaxtining Olmaota tumanida boshlangan edi.

Elchixona bergan ma'lumotlarga qaraganda, diplomatik vakolatxona binosining qurilish ishlarini 2019 yil yakuniga qadar tugallash mo‘ljallangan.

Eslatib o‘tamiz, avvalroq O‘zbekiston va Qozog‘iston Tashqi ishlar vazirliklari o‘rtasida maslahatlashuvlar bo‘lib o‘tishi xabar qilingandi.