Vagondagi to‘shak orasiga yashirilgan pnevmatik qurol qismlari fosh etildi

“Qoraqalpog‘iston” temir yo‘l chegara bojxona posti xodimlari tomonidan “Moskva-Toshkent” yo‘lovchi poyezdida fuqaro Yu.S.ning yuklari bojxona ko‘rigidan o‘tkazilganida, ushbu shaxs vagon to‘shagiga o‘rab yashirgan holda 7 xil turdagi pnevmatik qurollarning 446 dona qismlarini mamlakatimizga olib kirishga uringanligi aniqlandi. Bu haqda Davlat bojxona qo‘mitasi axborot xizmati xabar berdi.

Shuningdek, fuqaro S.X. qiymati 112 million so‘mdan ko‘proq 173 grammdan ortiq zargarlik buyumlarini noqonuniy ravishda yurtimizga olib kelayotgan vaqtida bojxonachilar tomonidan to‘xtatib qolindi.

Hozirda mazkur holatlar yuzasidan bojxona tekshiruvlari davom ettirilmoqda, deyiladi xabarda.