3 mart kuni Koreya Key-ligasida yangi mavsumga start berildi.

O‘zbekiston terma jamoasi a'zosi, yangi mavsum arafasida «Lokomotiv»dan «Seul» klubi safiga yo‘l olgan Ikrom Aliboyev mavsumning ilk o‘yinida boshlang‘ich tarkibga kiritildi.

«Seul» 1-turni «Pohang Stilers»ga qarshi o‘tkazdi va Hvang Hyunsunin dubli evaziga 2:0 hisobida g‘alaba qozondi. Mezbonlarning ikkinchi goliga Ikrom Aliboyev uzatma berdi, u o‘yinning oxirigacha maydonda bo‘ldi.

Qayd etish kerakki, seulliklar 2010 yildan buyon ilk marta mavsumni g‘alaba bilan boshladi.