Toshkent shahridagi yo‘lovchi transporti faoliyati tubdan takomillashtiriladi. Bu yo‘lovchi va yuk tashuvlarini yanada rivojlantirish bo‘yicha yo‘l xaritasida belgilab qo‘yilgan.
Hujjat bilan Toshkent shahrida yo‘lovchi transporti faoliyatini tubdan takomillashtirish bo‘yicha Konsepsiya loyihasi ishlab chiqiladi. Bunga jahondagi yetakchi kompaniyalar jalb etiladi.
Bu boradagi normativ-huquqiy hujjat loyihasi 2019 yil 1 iyulga qadar tayyorlanadi. Mas'ullar - Toshkent shahar hokimligi, «Toshshahartransxizmat» AJ.
Shuningdek, «Toshshahartransxizmat» AJning avtobus parklaridagi ulushlari ishonchli boshqaruvga beriladi yoki realizatsiya qilinadi.
Bu boradagi tegishli chora-tadbirlar 2019 yil 1 iyulga qadar ishlab chiqiladi. Mas'ullar - Davlat aktivlarini boshqarish agentligi, Transport vazirligi, Toshkent shahar hokimligi.
