Toshkent shahrida 1-oktabrdan jamoat transportida (yoʻnalishdagi avtobus va metro) bir martalik yoʻl haqini elektron toʻlovda 2500 soʻm etib belgilash taklif qilinmoqda. Naqd pulda toʻlov tarifini esa 3000 soʻm miqdorida saqlab qolish rejalashtirilgan. Toshkent shahar kengashi qarori loyihasi 19-sentabrga qadar muhokama uchun joylashtirilgan.
Bagaj olib yurish haqini 4000 soʻm etib belgilash taklif qilinmoqda. Barcha summalar QQS bilan koʻrsatilgan.
Agar taklif qabul qilinsa, karta yoki elektron toʻlovda bir martalik yoʻlkira haqi 800 soʻmga yoki 47 foizga qimmatlaydi.
Bundan tashqari, transport kartalari uchun safarlar soniga qarab yangi tarif rejalari, shuningdek, bir soat ichida jamoat transporti turlari oʻrtasida almashib oʻtilganda imtiyozli va bepul tariflarni joriy etish ham nazarda tutilgan.
Faqat avtobuslarda safar qilish uchun quyidagi cheklanmagan tariflar taklif etilmoqda:
Avtobus va metroda safar qilish uchun quyidagi cheklanmagan tariflar boʻladi:
Shuningdek, toʻliq narxga nisbatan 23 foiz chegirma bilan safar paketlari joriy etilishi mumkin:
Shu bilan birga, bir soat ichida transport almashtirishdagi chegirmalar tizimi saqlab qolinadi.
Xususan, faqat avtobuslarda safar qilinganda birinchi safar 2 500 soʻm boʻladi, ikkinchisi – 1 500 soʻm. Bir soat ichidagi uchinchi va undan keyingi safarlar – bepul.
Avtobus va metro birgalikda ishlatilganda ham birinchi safar 2500 soʻm, keyingi almashib oʻtishlar esa safarlar ketma-ketligiga qarab 1500 soʻm yoki bepul boʻladi.
Bir soatlik tarif doirasida metrodan faqat bir marta foydalanish taklif etilmoqda. Metroga qayta kirilsa, 60 daqiqalik vaqt yangidan hisoblana boshlaydi.
