Xususiy sektorning aeroportlar hududida xizmat ko‘rsatishiga ruxsat beriladi

O‘zbekistonda xususiy sektorga aeroportlar hududida xizmat ko‘rsatishga ruxsat beriladi. Bu haqda yo‘lovchi va yuk tashuvlarini yanada rivojlantirish bo‘yicha yo‘l xaritasida aytiladi.

Xususan, aeroportlarning noaviatsion daromadlarini oshirish bo‘yicha chora-tadbirlar ishlab chiqiladi. Xususiy sektorning aeroportlar hududida xizmat ko‘rsatishga jalb etilishiga ruxsat beriladi.

Bu boradagi tegishli normativ-huquqiy hujjatlar 2019 yil 1 iyunga qadar ishlab chiqiladi. Mas'ullar - Transport vazirligi, «O‘zbekiston havo yo‘llari».