O‘zbekiston va Turkmaniston chegara masalasi bo‘yicha muzokaralar o‘tkazdi

2019 yilning 1-7 mart kunlari Turkmanobod shahrida O‘zbekiston Respublikasi va Turkmaniston o‘rtasidagi Davlat chegarasini delimitatsiya va demarkatsiya qilish masalalari bo‘yicha O‘zbekiston – Turkmaniston hukumatlararo qo‘shma komissiyasi ishchi guruhlarining navbatdagi uchrashuvi bo‘lib o‘tdi.

TIV xabariga ko‘ra, muzokaralar chog‘ida davlatlararo chegaraning loyihaviy demarkatsion chizig‘i o‘tishi bo‘yicha takliflarni ko‘rib chiqish davom ettirildi va ayrim uchastkalarda dala demarkatsion ishlarini olib borish to‘g‘risida kelishuvga erishilgan.

Uchrashuv an'anaviy do‘stlik va hamjihatlik ruhida bo‘lib o‘tdi, deyiladi ma'lumotda.

Qayd etilishicha, muzokaralar yakunida tegishli Bayonnoma imzolangan.