Belgiyaning Knesselar shahridagi auksionda Armando laqabli pochta kabutari rekord narx – 1,25 mln yevroga sotildi. Bu haqda RTBF telekanali xabar berdi.
Qushni xitoylik sotib olgan. Shunisi ma'lumki, xitoyliklar aynan Belgiya kabutarlarini yuqori baholaydilar.
5 yoshli Armando kabutar poygalari tarixidagi eng yaxshilaridan biri hisoblanib, g‘alabalari uchun ko‘plab mukofotlar bilan taqdirlangan.
Ta'kidlanishicha, endi kabutarning asosiy vazifasi poygalarda ishtirok etish emas, balki yangi “chempion” nasl qoldirish bo‘ladi.
