Jahon | 17:23 / 27.03.2019
9527
1 daqiqa o‘qiladi

Mogerini YeI Isroilning Jo‘lan tepaliklari ustidan suverenitetini tan olmasligini tasdiqladi

Foto: EPA-EFE/OLIVIER HOSLET

YeI Isroilning bosib olingan Jo‘lan tepaliklari ustidan suverenitetini tan olmasligini rasman tasdiqlaydi, deyiladi Yevropa diplomatiyasi rahbari Federika Mogerinining bayonotida.

AQSh prezidenti Donald Tramp dushanba kuni Isroil bosh vaziri Binyamin Netanyaxu bilan uchrashuv chog‘ida Isroilning Jo‘lan tepaliklari ustidan suverenitetini tan olish to‘g‘risidagi deklaratsiyani imzoladi.

"YeIning Jo‘lan tepaliklari maqomiga nisbatan qarashi o‘zgarmagan. Xalqaro huquq va BMT Xavfsizlik kengashi rezolyutsiyalariga muvofiq, Yevropa Ittifoqi Isroilning bosib olingan Jo‘lan tepaliklari ustidan suverenitetini tan olmaydi", - deyiladi bayonotda.

1967 yilda Isroil Suriyaga qarashli Jo‘lan tepaliklarini bosib olgan va 1981 yilda uni o‘ziniki deb e'lon qilgan. 

Mavzuga oid