Dmitriy Limga tegishli «mashhur» uy-joy kompleksi auksion savdolariga chiqariladi

Toshkent shahrining Uchtepa tumanida joylashgan, Bo‘zsuv bo‘yida barpo etilgan «O‘rikzor» dahasidagi ulgurji Karvon bozorining sobiq direktori Dmitriy Limga tegishliligi da'vo qilinadigan ko‘chmas mulk obekti auksion savdosiga qo‘yildi. Bu haqda O‘zA xabar bermoqda.

Uchtepa tumani, Sakkokiy ko‘chasi, 3-a manzilidagi, umumiy 4,3 gektar maydonni egallagan va 20.628 kvadrat metr binolar va inshoot maydoniga ega kompleksning boshlang‘ich narxi 35.536.900.759 so‘m etib belgilangan.

Auksionning o‘tkazilish sanasi 29 aprel etib belgilangan.