Vazir o‘rinbosari Sirdaryo viloyati hokimiga birinchi o‘rinbosar bo‘ldi

Anvar Rasulovich Karimov Sirdaryo viloyati hokimining iqtisodiyot va tadbirkorlik masalalari bo‘yicha birinchi o‘rinbosari etib tayinlandi. Bu haqda viloyat hokimligi axborot xizmati xabar bermoqda.

Anvar Karimov 1977 yil Sirdaryo viloyati, Boyovut tumanida tug‘ilgan. 1998 yilda Guliston davlat universitetini, 2002 yilda O‘zbekiston Respublikasi Bank-moliya akademiyasini tamomlagan.

Bugungi kunga qadar O‘zbekiston Respublikasi iqtisodiyot va sanoat vazirining o‘rinbosari lavozimida faoliyat ko‘rsatgan.

Eslatib o‘tamiz, Sirdaryo viloyati hokimining iqtisodiyot va tadbirkorlik masalalari bo‘yicha birinchi o‘rinbosari lavozimida ishlab kelgan Murodilla Eshmatov Xalq bankiga yangi rais etib tayinlandi.