Foto: Getty Images
Venesuela hukumati xorijga yirik partiyadagi oltinni sotishga tayyorlanmoqda. Bu haqda Reuters axborot agentligi xabar berdi.
Ta'kidlanishicha, mamlakatning markaziy banki omboridan umumiy og‘irligi 8 tonnani tashkil qiluvchi oltin sotish uchun olib chiqilgan.
Karakas 2019 yilning o‘zida 30 tonnaga yaqin oltinini sotib yuborgan va hozirda mamlakatning oltin zaxirasi 100 tonnaga yaqinni (4 mlrd dollarlik) tashkil qilmoqda.
Axborot agentligi tayanayotgan manbaga ko‘ra, Karakas oltinini shunday sur'atlarda sotadigan bo‘lsa, yil oxirigacha hech narsasiz qolishi mumkin. Uning tushuntirishicha, Venesuela AQSh sanksiyalari sababli oltinini sotishga majbur bo‘lmoqda.
