08:56 / 15.04.2019
28615

Davlat MTMga navbatni onlayn kuzatish mumkin

Foto: O‘zA

Yagona interaktiv davlat xizmatlari portali ana shunday imkoniyatni taqdim etmoqda, deb yozadi Norma.
 
Eslatib o‘tamiz, o‘tgan yil «Bolalarni davlat maktabgacha ta'lim muassasasiga qabul qilish uchun elektron ariza topshirish» xizmati joriy etilgani ma'lum qilingandi.
 
Unga, YaIDXP statistika ma'lumotlariga ko‘ra, bugungi kungacha 1,2 mln dan ortiq kishi murojaat qilgan.
 
Yangi xizmat davlat MTMga navbat haqida axborot olish imkonini beradi, buning uchun ilgari Yagona portal yoki Davlat xizmatlari markazlari orqali berilgan arizaning ro‘yxat raqamini ko‘rsatish zarur.
 
Ma'lumotlar barcha shaxslarga bepul taqdim etiladi, Vazirlar Mahkamasining 2018 yil 28 martdagi «Bolalarni davlat maktabgacha ta'lim muassasalariga qabul qilish bo‘yicha davlat xizmatlari ko‘rsatishning ma'muriy reglamentini tasdiqlash to‘g‘risida»gi 244-son qarori xizmat joriy etilishiga huquqiy asos sifatida xizmat qildi.

Top