Indoneziyaning Siak-Sri-Indrapura shahridagi qamoqxonadan kamida 34 nafar mahbus qochib ketdi, deb xabar berdi Antara agentligi.
Agentlikning bildirishicha, politsiya mahbuslardan birini giyohvand modda iste'mol qilgani uchun ushlaganidan so‘ng qamoqxonada tartibsizliklar boshlangan. Uning qo‘lga olinishiga javoban mahbuslar qamoqxona binosiga o‘t qo‘yishgan va xavfsizlik xizmati xodimlariga toshlar uloqtirishgan, 34 nafari qochib ketgan.
"Bizdagi ma'lumotlarga ko‘ra, 495 nafar mahbus qamoqxona ichida, 119 kishi evakuatsiya qilindi", - deb ma'lum qilgan politsiya boshlig‘i Ahmad David va qochoqlar qidirilayotganini bildirgan.
