8535.74 USD +17.06

9566 EUR -86.52

132.57 RUB +1.24

10746.5 GBP -101.19

08:15 / 30.05.2019 4430

Будапештда катерлар тўқнашуви оқибатида 7 сайёҳ ҳалок бўлди, 21 киши бедарак йўқолди

Фото: EPA-EFE/Zsolt Szigetvary HUNGARY OUT

Венгрия пойтахти Будапештда Дунай дарёсида сайр катерининг ҳалокатга учраши оқибатида камида 7 киши ҳалок бўлди. Бу ҳақда Reuters ахборот агентлиги хабар берди.

Полиция маълумотларига кўра, катерда жанубий кореялик 33 сайёҳ ва экипажнинг 2 аъзоси бўлган. 7 кишини қутқаришга муваффақ бўлинган, 21 киши бедарак йўқолган. 

Катер 29 май кечки вақт бошқа катер билан тўқнашгандан кейин сувга ғарқ бўлган. Дарё бўйлаб кемалар қатнови қутқарув ишларини ўтказиш учун тўхтатилган, бироқ махсус хизматлар ишлари кучли ёмғир ва оқим сабабли мураккаблашган. Дарёдаги сув ҳарорати 10-12 даража атрофида сақланиб турибди, бу эса катер йўловчиларининг кучли совқотишига олиб келган.

Жанубий Корея президенти Мун Чжэ Ин 30 май куни ҳукуматга ҳалокат вақтида йўқолган кореялик сайёҳларни топиш учун барча воситалар ва имкониятларни қўллаш вазифасини топширган. Таъкидланишича, яқин орада Венгрияга жанубий кореялик амалдорлар гуруҳи жўнатилади.

Top