Braziliya milliy jamoasi hujumchisi Neymar Kopa Amerikada qatnasha olmaydigan bo‘ldi.

Braziliya futbol konfederatsiyasi rasmiy saytida bildirilishicha, shifokorlar 27 yoshli futbolchining Qatarga qarshi kechgan o‘rtoqlik o‘yinida (2:0) olgan jarohati yetarlicha jiddiy, degan xulosaga kelishgan.

Kechagi bahsda asosiy tarkibda tushgan Neymar o‘ng oyog‘i to‘pig‘idan shikastlanib, 21-daqiqada Everton Soaresga almashtirilgan edi. Shundan so‘ng u zaxira o‘rindig‘ida o‘tirar ekan, ko‘z yoshlarini tiyib tura olmadi va tibbiy shtab xodimlari yordami bilan kiyim almashtirish xonasiga yo‘l oldi.

Ma'lum bo‘lishicha, u stadionni qo‘ltiqtayoqda tark etgan.