8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

08:02 / 02.07.2019 15879

Туркия компанияси «Бахт» кўлида туристик мажмуа қуришни режалаштирмоқда

Жорий йилнинг 1 июль куни пойтахтдаги Бектемир тумани ҳокимлигида Тошкент шаҳар Туризмни ривожлантириш департаменти таклифига биноан Ҳасан Илбай бошчилигидаги туркиялик инвесторлар билан учрашув бўлиб ўтди. 

Туризмни ривожлантириш давлат қўмитаси матбуот хизмати хабарига кўра, унда Бектемир тумани ҳокими, департамент вакиллари ҳамда инвесторлар иштирок этишди. Учрашув доирасида хорижлик сармоядорлар билан тумандаги «Бахт кўли» инвестиция лойиҳаси юзасидан музокаралар олиб борилди. 

Фото: Туризмни ривожлантириш давлат қўмитаси матбуот хизмати 

Туркиянинг Ilbay Inşaat Enerji San. Tic компанияси вакиллари ушбу лойиҳа бўйича тақдимот ўтказишди. Инвестор «Бахт кўли» лойиҳаси учун ажратилган 60 гектар ҳудудда замонавий кўп тармоқли туристик кўнгилочар маскан барпо этиш бўйича ўз таклифларини берди. 

Шунингдек, учрашувда лойиҳа юзасидан икки томонлама ҳамкорлик қилиш масалалари кўриб чиқилди ва келгусида музокараларни давом эттиришга келишиб олинди, дейилади хабарда.

Top