Eron prezidentining maslahatchisi o‘lim jazosiga hukm qilindi

Foto: EPA/Vostock-photo

Eron sudi Eron prezidentining maslahatchisi Muhammad Ali Najafiyni o‘z turmush o‘rtog‘i Mitra Najafiyni o‘ldirgani uchun oliy jazoga hukm qildi. Bu haqda "Tasnim" agentligi xabar berdi.

Xabar qilinishicha, sud hukmiga nisbatan 20 kun ichida shikoyat qilinishi mumkin.

Tehronning sobiq meri Ali Najafiy politsiyaga o‘zi kelib rafiqasini oilaviy janjal sababli o‘ldirganini aytgan.

May oyi oxirida Tehron sobiq merining turmush o‘rtog‘i poytaxtning Saodat Obod tumanidagi uyida otib o‘ldirilgani xabar qilingandi.

Ali Najafiy Eron prezidenti Hasan Ruhoniyga yaqin shaxslardan biri hisoblanadi. U 2018 yilgacha Tehron meri bo‘lgan. Mitra najafiy uning ikkinchi xotini bo‘lgan.