Ukrainalik deputatlar daxlsizlikdan mahrum etildi

Ukraina oliy radasi ikkinchi o‘qishda xalq deputatlaridan daxlsizlikning olinishi haqidagi qonun loyihasini ma'qulladi. 

Hujjat 2020 yildan boshlab deputatlardan daxlsizlikning olinishini ko‘zda tutadi. Qonun kelasi yilning 1 yanvaridan kuchga kiradi. Deputatlar tomonidan qabul qilingan qonun loyihasini 2017 yildayoq sobiq prezident Pyotr Poroshenko ro‘yxatga oldirgan.

Avvalroq oliy rada spikeri va “Xalq xizmatkori” partiyasi yetakchisi Dmitriy Razumkov Ukraina prezidentini daxlsizlikdan mahrum qilishni yoqlab chiqqan. Uning aytishicha, deputatlardan daxlsizlikning olinishi yetarli emas, davlat rahbari va sudyalar ham bu imtiyozdan mahrum qilinishlari kerak. Razumkov “qonun oldida hamma barobar bo‘lishi uchun” bunday qarorni qabul qilish lozimligini aytgan.